17 Jul No Comments mtacadmin News

VIII Reuniaun Ministru Turismu CPLP ne’ebe mak hala’o ona iha Dili hetan representante masimu husi nasaun Angola, Brazil, Cabo-Verde, Mocambique, Portugal, São Tome Principe no Timor Leste rasik nu’udar Uma-Nain.

VIII Reuniaun Refere loke husi Primeiru Ministru RDTL, Rui Maria Araujo no mos ho deskursu balun husi Diretor Jeral CPLP, Representante OMT, no Presidensia Reuniuan Ministrus Turismu CPLP husi Mocambique, ne’ebe representa husi Vice Ministra Kultura no Turismu no MTAC.

Antes halao Reuniaun Timor Leste atraves Ministru Turismu Arte no Kultura, Francisco Kalbuadi Lay asina mos akordu koperasaun ho Sekretariu Estadu Hotelaria Angola no Sekretariu Estadu Turismu Portugal nian iha area formasaun no kapasitasaun.

 

Asina akordu ida ne’e asiste Diretamente husi Primeiru Ministru RDTL, Membru Parlamentu Nasional, Korpus Diplomatiku, NGO Nasional no Internasional, Empresariu lokal sira no konvidadus iha CCD, Sesta Feira (17/07).

Alende akordu koperasaun, asina mos Deklarasaun Dili hodi deklara katak, reafirma vontade politika Estados Membros CPLP atu kontiua implementa politika no programa hodi aumenta promosaun no divulgasaun Turismu husi CPLP, troka esperiensia no informasaun no mos definisaun Planu Estratejiku Koperasaun iha Turismu iha CPLP no mos deklasaun lubun balun.

Alende ne’e mos Vise Ministra Kultura no Turismu Mocambique, Ana Comoana intrega mos pasta nu’udar Presidensia Reuniaun Ministru Turismu CPLP ba iha Ministru Turismu Arte no Kultura, Francisco Kalbuadia Lay hodi asumi pasta nu’udar Presidensia Reuniaun Ministros Turismu CPLP ba tinan rua oin mai.

VIII Reuniaun ida ne’e, taka ho Konsertu FESTIVAL MUZIKA CPLP ne’ebe mak organiza husi MTAC, Gabinete Primeiru Ministru no MNEC hodi komemora tinan 19º CPLP nian. No nu’udar mos kampanha kontra hamlahan iha Nasaun sira CPLP nian.