17 Jul No Comments mtacadmin News

Hamutuk ro’o lima mak partisipa Kompitisaun kurida ro’o Darwin-Dili, nune ro’o ANTIPODES mak konsege tama uluk iha Dili hodi sai premiu lugar iha kopetisaun refere. Premiu ba vensedor sira kompostu husi primeiru lugar hetan osan ho Montante USD 5,000 maka ro’o ANTIPODES, iha segundu lugar manan husi equipa FINALLY ho Montante USD 3,000, SKYE MELODY okupa terseiru lugar ho Monatnte USD 2,500,tuir fali husi equipa EVOLUTION NT iha quartu lugar ho Montante USD 2,000 no ikus liu husi equipa ANNANDORA ho montantes USD 2,500. Durasaun kopetisaun tinan ne’e  loron lima ho total orsamnentu aloka ba eventu hamutuk USD 15,000

Kompitisaun korida Ro’o Darwin-Dili tinan ne’e organiza husi Ministeriu Turismo Arte e Cultura liu husi Diresaun Nasional Pesquiza Dezemvolvimentu. Programa refere sai mos nudar kalendariu Annual Ministeriu Turismo Arte e Cultura,nebe kompetisaun tinan ne’e nudar kompitisaun ba dala III.

Ministru Turismo Arte e Cultura, Franciscu Kalbuadi Lay hateten Ministeriu kontinua promove Timor Leste liu husi eventus.

“Eventu ida ne’e nudar meius ida atu promove area turismo ba iha comunidade international tamba area turismo importante tebes no bele hatama mos reseitas ba kofre Estadu” Ministru hateten.

Ministru Kalbuadi afirma liutan kona ba planu Ministeriu nia atu organiza kopetisaun kurida ro’o husi Darwin,Dili no Kupang hanesan dalan ida hodi hametin liu tan Amizade entre Nasaun vizinhu sira.

kompitisaun ne’e realiza hetan mos apoiu husi parte Alfandega,Polisia Maritima,Imigrasaun,Porto Dili,Saude,Karantina,Naval no mos Seguransa Sivil.

Abertura eventu Iha Darwin, hetan mos partisipasaun husi presidente Unida de Til, Sr. Jose Gonçalves inklui mos husi equipa ro’o Australia nian. Entertantu enseramentu ba iha eventu ne’e halao iha CCD Dili.