Embaixadora  foun husi  Estadus Unidus Amerikanu  (EUA) Sra. Karen C.  Stanton iha Quarta –Feira ne’e  hala’o nia primeira vizita  kortezia ba ministeriu Turismu iha Salao Memorial  – Hall Farol.

Durante enkontru Ministru Turismu Arte no kultura  Sr. Francisco Kalbuadi Lay informa  kona ba programa  no atividades turismu nian liu-liu atividades hospitalidade nebe  hala’o liu husi programa ministeriu nian.
Iha biban ne’e mos Ministeriu turismu ho Emabaixada Estadus Unidus kolia kona ba festival kulinaria nebe sei realiza  iha fulan junho tinan ida ne’e. Objetivu husi festival kulinaria hodi promove Timor Leste nia kultura liu husi aihan, nune mos selebra aihan multicultural nebe existe iha Timor Leste.

Emabixadora  Karen C. Stanton mos apresia ho potensialidade turismu nebe Timor iha, no husu atu bele continua preserva  liu tan ambiente liu husi preservasaun cultural no ecologica .

Encontru remata ho entrega livrus aktividades Ministerio Turismo durante tinan ida nia nomos promosaun fatin turistiku iha Timor Leste.